زي مانت يا حبيبي

زي مانت يا حبيبي
والسنين مغيرتش حاجه فيك
زي اخر مره شوفتك
لسه حيرتك بين عنيك
لسه روحك ضايعه منك
تايهه بتدور عليك
لسه مش عارف حبيبك
لسه مش راضي بنصيبك
لسه خايف تبقي شايف
لسه بتداري في عنيك
لسه ضايع جوه نفسك
ماشي مش لاقي الطريق
زي مانت يا حبيبي
والسنين مغيرتش حاجه فيك
كنت فاكره لما اشوفك
هبقي اسيه كتير عليك
كنت خايفه لما شوفتك
عيني تفضح شوقي ليك
كنت خايفه من ايديا
تحس بيها ..لما هتسلم عليك
كنت خايفه من كلامي
كنت خايفه اقول واحشني
قبل ما اقولك سلامي
خفت جدا لما شوفتك زي مانت
والسنين مغيرتش حاجه فيك